|
10:38 PM მსოფლიოს ყველაზე ცუდი მოსწავლე 77 წლისაა და კლასში 38-ჯერ ჩარჩა | |
დედამიწის ყველაზე ცუდი მოსწავლე ინდოეთში, რაჯასტახანის შტატში ცხოვრობს. ის 77 წლისაა. როდესაც შივ ჩარანი 30 წლის გახდა, მან მნიშვნელოვანი გადაწყვეტილება მიიღო. სანამ მეუღლეს შეირთავდა და შვილები ეყოლებოდა, გადაწყვიტა საშუალო განათლება მიეღო. პირველად შივი სკოლაში 1969 წელს მივიდა. მას შემდეგ უამრავი წელი გავიდა, შივი კი ყოველ წელს ცდილობს გამოცდების ჩაბარებასა და სანატრელი ატესტატის აღებას, თუმცა ყოველი მისი ცდა კრახით სრულდება. 2008 წელს შივმა ატესტატის აღება 38-ედ სცადა, თუმცა არც ამჯერად გაუმართლა. მან 10 საგნიდან მხოლოდ ერთის ჩაბარება და ისიც მინიმალური ქულების დაგროვებით შეძლო. თავად მოსწავლის განცხადებით, ყველაზე მეტად მათემატიკის სწავლა უჭირს. სწორედ მას აბრალებს ყველა თავის უბედურებას. მიუხედავად იმისა, რომ შივი დედამიწის ყველაზე ცუდ მოსწავლედ ითვლება, ის მაინც არ კარგავს იმედს, რომ ოდესმე მაინც შეძლებს ატესტატის აღებას. მამაკაცმა სიტყვაც შეასრულა. მიუხედავად იმისა, რომ უკვე 77 წლისაა, ცოლად არავინ მოუყვანია, თუმცა გადაწყვეტილი აქვს, როგორც კი საშუალო განათლებას მიიღებს, მაშინვე დაოჯახდება. | |
|